اسرائیلی شہری ماؤز اینون اپنے سیاحت کے کاروبار کو فروغ دینے میں کوشاں تھے مگر سات اکتوبر کو حماس کے حملے میں اپنے والدین کھونے کے بعد وہ مستقل بنیادوں پر امن کارکن بن چکے ہیں۔ ماؤز اینون کا کہنا ہے کہ انہیں اندازہ تھا کہ اسرائیل اور فلسطین کے درمیان اسٹیٹس کو زیادہ دیربرقرار نہیں رہ سکتا مگر انہیں نہیں معلوم تھا کی اس کی قیمت وہ خود چکائیں گے۔ وائس آف امریکہ کی ندا سمیر سے گفتگو کرتے ہوئے انہوں نے بتایا کہ وہ انتقام کی خواہش نہیں بلکہ اسرائیل اور فلسطین کے درمیان برابری، انصاف اور مفاہمت کی بنیادوں پر پائیدار امن کی کوشش میں اپنے دن رات بتا رہے ہیں